በቻይና ኩባንያዎች የተገነቡ ሁለት የኢንዱስትሪ ፓርኮች በቀጣዩ ወር ይመረቃሉ

9

(ኤፍ ቢ ሲ)- በቻይና ኩባንያዎች የተገነቡ ሁለት የኢንዱስትሪ ፓርኮች በሚቀጥለው ወር እንደሚመረቁ የኢትዮጵያ ኢንዱስትሪ ፓርኮች ልማት ኮርፐሬሽን አስታወቀ፡፡

በሚቀጥለው ወር የሚመረቁት ሁለቱ ኢንዱስትሪ ፓርኮች ፥የመቀሌ እና የኮቦልቻ የኢንዱስትሪ ፓርኮች ናቸው፡፡

የመቀሌ ኢንዱስትሪ ፓርክ በቻይና ኮሙኒኬሽንስ ኮንስትራክሽን ኩባንያ(CCCC) ሲሆን፥የኮቦልቻ ኢንዱስትሪ ፓርክ ደግሞ በቻይና ሲቪል ኢንጂነሪንግ ኮንስትራክሽን (CCECC) መገንባታቸውን ኮርፕሬሽኑ ገልጿል፡፡

የኢንዱስትሪ ፓርኮቹ በጨርቃጨርቅ እና አልባሳት የሚያመርቱ መሆናቸው ነው የተነገረው፡፡

ፓርኮቹ በ250 ሚሊየን የአሜሪካ ዶላር ወጪ የተገነቡ ናቸው ተብሏል፡

ኢትዮጵያ በአፍሪካ በጨርቃጨርቅ እና አልባሳት ምርቶች ከፍተኛ አቅም ያላት ሲሆን ፥እንደ አውሮፓውያኑ አቆጣጠር በ2020 ዘርፉ 1 ቢሊየን የአሜሪካ ዶላር ገቢ የሚያስገኝ መሆኑ ተጠቁሟል፡፡

አራት የኢንዱስትሪ ፓርኮች እንደ አውሮፓውያኑ አቆጣጣር በ2017 መጨረሻ ይጠናቀቃሉ ተብሎ ይጠበቃል፡፡

Leave A Reply

Your email address will not be published.