በኦማን የተለያዩ ማረሚያ ቤቶች የነበሩ 134 ኢትዮጵያውያን ወደ ሀገራቸው ተመለሱ

5

(የውጭ ጉዳይ ሚንስቴር)- ኦማን የሚገኘው የኢፌዴሪ ኤምባሲ ከኦማን የውጭ ጉዳይ ሚኒስቴር እና ከሌሎች የሚመለከታቸው አካላት ጋር በመተባበር በሀገሪቱ የተለያዩ ማረሚያ ቤቶች ታስረዉ የነበሩ 134 ኢትዮጵያውያንን ከእስር ተፈተው ከመስከረም 21-25 ቀን 2010 ዓ.ም በሶስት ዙር ወደ ሀገራቸው በሰላም እንዲመለሱ አድርጓል፡፡

በእስር ላይ የነበሩት ኢትዮጵያውያን ምንም ዓይነት የጉዞ ሰነድ ስላልነበራቸው በራሳቸዉ ወጭ የጉዞ ሰነድ ለማዉጣት የማይችሉ በመሆኑ ኤምባሲዉ በያሉበት ማረሚያ ቤት በመንቀሳቀስ የአንድ ጊዜ የጉዞ ሰነድ (laissez-passer) በነጻ እንዲሰጣቸዉ አድርጓል፡
ከእስር የተፈቱት ኢትዮጵያውያን በበኩላቸው ኤምባሲው ላደረገው ድጋፍ እና ጥረት ምስጋናቸውን ገልጸው ወደ ሀገራቸው ተመልሰው በተለያዩ የልማት መስኮች ላይ በመሳተፍ ሀገራቸውንና ህዝባቸውን ለማገልገል እንደሚሰሩ ተናግረዋል፡፡

በኦማን የሚገኘው የኢፌዴሪ ኤምባሲ በአገሪቱ የሚገኙ ኢትዮጵያውያንን መብት ለመስከበር ከኦማን መንግስት ጋር በቅርበት እየሰራ ይገኛል።

Leave A Reply

Your email address will not be published.